يا أجمل صدفة صارت لي، ويا ألطف شخص دخل حياتي. اليوم مو بس يوم ميلادك، اليوم يوم مميز بالنسبة لي أنا بعد، لأنه اليوم اللي انولدت فيه إنسانة صارت تعني لي أكثر مما تتخيلين. كنت أتمنى أكون جنبك اليوم، أشوف ابتسامتك وأحتفل فيك وأقول لك كل هالكلام وأنا قريبة منك، لكن بما إن المسافة ما سمحت لي، قررت أصنع لك مساحة صغيرة هنا، تكون كلها لك، وتشبه جزءًا بسيطًا من الحب اللي أحمله لك. أحبك، أحب شخصيتك، أحب طريقتك، أحب كل التفاصيل اللي تخليك أنتِ. وأحب إنك very flirty، حتى لو أحيانًا تخليني ما أعرف أرد عليك من كثر ما تكونين مستفزة بطريقة أحبها. وأما عيونك؟ لا تسأليني عنها، عندي كلام كثير بس أخاف ما أخلص. أحس إني كل مرة أشوفها أقع في حبها من جديد. أحب وقتي معك، أحب كيف صرت أفرح بوجودك، وأنتظر سوالفك، وأحب أشاركك تفاصيل يومي، وحتى أبسط الأشياء تصير أحلى لما تكونين جزءًا منها. ويمكن ما صار لنا مع بعض إلا شهرين وشوي، لكن الغريب والحلو إنك قدرتِ خلال هالفترة تصيرين شخصًا مهمًا جدًا بالنسبة لي. صرت أفرح بوجودك وأنتظر سوالفك، وأتمنى تكون هذي مجرد بداية لأيام وأعياد ميلاد كثيرة نعيشها سوا. أتمنى لك سنة جديدة تشبه قلبك، مليانة أشياء حلوة وضحكات وأيام تستاهلين فيها كل السعادة. أتمنى تحققين كل اللي تتمنينه، وتكون أيامك أخف وأجمل، وما تشوف عيونك إلا الفرح. وأتمنى أكون موجودة في كثير من لحظاتك الحلوة، وأكون من الأشخاص اللي يضيفون لحياتك سعادة وحب. وبالمناسبة، أتمنى تعرفي إنك تستاهلين كل هالكلام، وإنك تستاهلين الدلع كله. لا تنسين إنك صرتِ عندك شخص يحب يسمع سوالفك، ويشتاق لعيونك حتى لو توه شايفها. وأيوه، بتتحملين دلعي وغيرتي، لأن للأسف ما عندك خيار، أنا قررت أحبك وأزعجك لفترة طويلة جدًا. كان ودي أكون أول حضن لك اليوم، لكن اعتبري هذي الرسالة حضنًا كبيرًا وبوسات كثيرة لين أقدر أعوضك عنها كلها. كل عام وأنتِ حبيبتي، وكل عام وأنا محظوظة فيك.